ირაკლი კობახიძე: კორუფციას არ დავუშვებთ ქვეყანაში!

ჟურნალისტებთან საუბრისას, “ომეგას” ჯგუფის საქმესთან დაკავშირებით გავრცელებული ვიდეო-აუდიო ჩანაწერებისა და სავარაუდო კორუფციის ფაქტებთან მიმართებაში გავრცელებული ინფორმაციების კომენტირებისას, პარლამენტის თავმჯდომარემ, ირაკლი კობახიძემ განაცხადა შემდეგი:

კორუფციას ჩვენ, ბუნებრივია, არ დავუშვებთ ჩვენს ქვეყანაში, აქედან გამომდინარე, თუ სადმე არსებობს ოდნავი ეჭვი მაინც, კორუფციასთან დაკავშირებით, ეს არის შესაბამისი ორგანოების საქმე, ამაში აუცილებლად საჭიროა ჩაძიება და საჭიროა კითხვებზე პასუხის გაცემა“.

ტელეკომპანია “იბერიის” ჟურნალისტის შეკითხვაზე – “თქვენ გამორიცხავთ, რომ ბიძინა ივანიშვილი იდგეს ამ გარიგებების უკან?

ირაკლი კობახიძე პასუხობს: “ამას პირდაპირ ვიტყვი, გამოვრიცხავ, ეს არის აბსოლიტურად გამორიცხული, მე ვიცი ბატონი ბიძინა ივანიშვილის პრინციპები და მისი მიდგომა საქმისადმი. ის არის სწორედ ის ადამიანი, რომელმაც უზრუნველყო ჩვენს ქვეყანაში ელიტური კორუფციის დამარცხება. ეს ელიტური კორუფცია ყვაოდა საქართველოში 2012 წლამდე და სწორედ, მისი პრინციპების წყალობით, რადიკალურად შეიცვალა, ჩვენს ქვეყანაში, ქვეყნის მართვის პრინციპები“.

სააჰენტო “პარალელი”

You may also like...

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *