ეკა ბესელიამ “ხატოვნად” შეახსენა ირაკლი კობახიძეს, თუ ვინ, სად და რას აკეთებდა 2012 წლამდე

მოსამართლეთა უვადო დანიშვნის ირგვლივ შექმნილმა სიტუაციამ დიდი დაპირისპირება გამოიწვია მმართველ გუნდში და “ქართული ოცნების” წევრები აღარც კი ერიდებიან მწვავე შეფასებებს ერთმანეთის მიმართ.

ირაკლი კობახიძის განცხადებას, რომ “21 თებერვალს, საქართველოს პირველი კონსტიტუციის მიღების დღეს სიმბოლურია, რომ საქართველოს პარლამენტში სერიოზულად ვმსჯელობთ ისეთი კანონის მიღებაზე, რომელიც ტექსტობრივად უხესად ეწინააღმდეგება საქართველოს კონსტიტუციას” და შემდგომ განმარტებებს, კანონპროექტის კონსტიტუციასთან შეუსაბამობაზე უმწვავესი გამოხმაურება მოჰყვა ეკა ბესელიას მხრიდან.

პარლამენტის იურიდიულ საკითხთა კომიტეტის ყოფილმა თავმჯდომარემ “ხატოვნად” შეახსენა პარლამენტის თავმჯდომარეს, თუ ვინ, სად და რას აკეთებდა 2012 წლამდე:

ჩვენ რომ ნაციონალურ მოძრაობას ვებრძოდით და ტყვიების ზუზუნში, ამ სიტყვების ავტორი გოგლიმოგლს მიირთმევდა და ჭუჭრუტანიდან გვიყურებდა, გავუძლებდით და გადავრჩებოდით თუ არა. და გოგლიმოგლზე გაზრდილი პატარა ბიჭები თავს უფლებას აძლევენ და ასეთი ტონით ლაპარაკობენ, ამის პასუხს მიიღებენ ჩემ ბოლო დასკვნაში“.

წყარო: საინფორმაციო-ანალიტიკური სააგენტო “პარალელი”

You may also like...

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *